शिव स्पंदन : प्रतिनिधी | शिरुर :
दि. २७ ऑगस्ट :
कवठे येमाई गावातील शेतकरी देवराम नानाभाऊ टेके (५०) यांचा पैशांच्या वादातून खून झाला आणि गाव हादरले. आरोपींनी शेतात नेऊन निर्दयीपणे रॉडने वार करत जीव घेतला आणि मृतदेह उसाच्या शेतात फेकून पुरावे नष्ट करण्याचा प्रयत्न केला. परंतु शिरुर पोलिसांच्या अचूक तपास आणि धडाकेबाज कारवाईमुळे अवघ्या काही दिवसांत हा खून उघड झाला आणि आरोपी गजाआड झाले.
आरोपी
सुनिल उर्फ शैलेश सुखदेव मुळे (२८)
रमेश बारकु पवार (२३)
(दोघे रा. फाकटे, ता. शिरुर, जि. पुणे)
तपासाचा थरार
१९ ते २० ऑगस्ट दरम्यान घडलेल्या या घटनेनंतर शिरुर पोलिसांनी वेगवान तपास सुरू केला. मोबाईल लोकेशन, तांत्रिक पुरावे, सीसीटीव्ही फुटेज व गुप्त माहितीदारांच्या मदतीने आरोपींचा माग काढण्यात आला.
अखेरीस शरदवाडी गावाजवळ रायगड हॉटेल परिसरात झाडाखाली लपून बसलेले दोन्ही आरोपी पोलिसांच्या सापळ्यात अडकले. चौकशीत त्यांनी पैशांच्या वादातून खून केल्याची कबुली दिली.
वरिष्ठांचे मार्गदर्शन
या मोहिमेसाठी मा. पोलीस अधीक्षक सौ. संदीप गील, अप्पर पोलीस अधीक्षक श्री. रमेश चोपडे, उपविभागीय पोलीस अधिकारी श्री. प्रशांत ढोले, पोलीस निरीक्षक संदेश कंजळे व संतोष घोळवे यांचे थेट मार्गदर्शन लाभले.
तपास पथकातील शिताफी
या कारवाईत पुढील पोलिस अधिकाऱ्यांनी आणि कर्मचाऱ्यांनी विशेष परिश्रम घेतले :
सहायक पोलीस निरीक्षक दीपक करांडे
पोलीस उपनिरीक्षक शुभम चव्हाण
पोलीस उपनिरीक्षक दिलीप पवार
तसेच पोलिस कर्मचारी –
नाथासाहेब जगताप, नितीन सुद्रिक, अनिल आगलावे, शरद वारे, अरुण उबाळे, शिवाजी बनकर, नितेश थोरात, विजय शिंदे, निरज पिसाळ, सचिन भोई, निखील रावडे, सागर बोराडे, सोनाजी तावडे, संतोष बनसोडे, शंकर बल्लाळ, मनोज मोरे, रवींद्र आव्हाड, अजय पाटील, भाऊसाहेब ठोसरे यांनी खुनाचा उलगडा करण्यात महत्त्वपूर्ण योगदान दिले.
गावकऱ्यांची प्रतिक्रिया
या घटनेने सुरुवातीला गावात भीतीचे वातावरण निर्माण झाले होते. मात्र पोलिसांनी जलदगतीने कारवाई करत आरोपींना गजाआड केल्यानंतर गावकऱ्यांनी सुटकेचा निश्वास सोडला आहे. “शिरुर पोलिसांवर आमचा विश्वास दुणावला आहे,” अशा प्रतिक्रिया गावकऱ्यांकडून व्यक्त होत आहेत.
