शिव स्पंदन : प्रतिनिधी
शिरुर (खारा माळा) – राही फाउंडेशन संचलित पोटे हॉस्पिटल येथे राष्ट्रीय पल्स पोलिओ मोहिमेचे आयोजन भव्य व उत्साहपूर्ण वातावरणात पार पडले. या मोहिमेचे मार्गदर्शन डॉ. सुनीता पोटे व डॉ. संतोष पोटे यांनी केले. त्यांच्या सोबत वैद्यकीय क्षेत्रातील अनुभवी टीम – डॉ. मनोहर हाके, डॉ. सुप्रिया कारखीले, आरोग्य विभागाच्या कोमल बुगे, जयश्री कढणे, सिस्टर शकुंतला, सुवर्णा वेताळ, प्रतीक्षा व लॅब टेक्निशन धनश्री वाखरे, अंगणवाडी मदतनीस – रागिनी डोळस, विद्यार्थिनी – जयश्री ससाने, विद्यार्थी – वैष्णव दरेकर यांनी या मोहिमेत महत्त्वाची भूमिका बजावली. रुग्णालयात आलेल्या अनेक लहानग्यांसह नुकत्याच जन्मलेल्या बाळांनाही पोलिओ लसीचे डोस देण्यात आले, ज्यामुळे आरोग्य सुरक्षेच्या दिशेने एक भक्कम पाऊल उचलण्यात आले. मोहिमेसाठी रुग्णालय परिसरात विशेष बूथ उभारण्यात आले होते. पालकांचे स्वागत करण्यात आले व लसीकरणाचे महत्त्व सोप्या भाषेत समजावून सांगण्यात आले. मुलांना भीती न वाटता आनंदी वातावरणात लसीकरण प्रक्रिया पार पडली.
कार्यक्रमाला निमोणे गावच्या आदर्श सरपंच जिजाताई दुर्गे आणि आरोग्य विभागाच्या गुंडताई या मान्यवरांनीही उपस्थिती लावून मोहिमेला पाठिंबा दर्शविला.
डॉ. संतोष पोटे यांनी सांगितले की, “पोलिओ निर्मूलन मोहिम ही केवळ सरकारी योजना नाही, तर ती समाजातील प्रत्येक नागरिकाची जबाबदारी आहे. आमचे रुग्णालय अशा प्रत्येक उपक्रमात सक्रिय राहील आणि बाल आरोग्यासाठी कार्य करत राहील.”
डॉ. सुनीता पोटे यांनीही लसीकरणाचे महत्त्व अधोरेखित करत सांगितले की, “एकही बालक लसीकरणापासून वंचित राहू नये, हेच आमचे उद्दिष्ट आहे. ग्रामीण भागात जागरूकता निर्माण करणे आणि प्रत्येक घरापर्यंत पोहोचणे हे आमचे ध्येय आहे.”
या यशस्वी मोहिमेमुळे शिरूर व परिसरातील अनेक बालकांना पोलिओ लसीचा लाभ मिळाला असून पालकांमध्येही सकारात्मकता आणि जागरूकता वाढली आहे.
🌿 आरोग्य सुरक्षा, जनजागृती आणि सामाजिक जबाबदारीचा उत्कृष्ट संगम पोटे हॉस्पिटलमध्ये पाहायला मिळाला. ही मोहीम भविष्यातील निरोगी पिढीकडे वाटचाल करणारी ठरली आहे.
